ВЕХЬАСУХЪ ККАРАБ РОКЬИ.

 

Мун магlарда вуго, гlияда вуго,
Гlурччинал мучlдузда рикlкlада вуго.
Мун вачlунев нухде, ялагьунги чlун,
Янгьизго йиго дун, дуде хьалалда.

 

Кlалъазе чи гьечlеб, чадир рукъ гьечlеб
Чолол ракьандаги кьижунищ вугев?
Кьагlи реэдулел гlиял ххалги ккун,
Харилъги вегун мун магъилъ хlебтlана.

 

Рикlкlен гьечlеб гlиял хlисабги гьабун,
Хlакъ букlина дуе дун гьадин тани!
Дуе хlурулгlинал хlажатищ гьечlел?
Хlинкьун холев вугин дихъ балагьизе!

 

Гъажалде риччарал ххалатал гъалал,
Ххазе бокьун буго, дуцаги ричун.
Нечон чlчlоге дикьа ххирияв гьудул,
Вачlа къассегlаги къвал бан вегизе.