ХlАЖИМУРАД.

 

Имамасул бодул бергьарав гъалбацl,
Бeгьиларищ жакъа дуде кlалъазе?
Гуликьаги хlинкъун къолден ретlинчlев,
Къо рехе жакъаги дуца нижее.

 

Цебесеб мухъилъа нахъе ун ругел,
Нахъеги цере цlай ниж Хlажимурад.
Бетlерлъи гьабулеб заманги лъугlун,
Зурун кlалъазецин кlвезехъин гьечlин.

 

Цебехъанлъи гьабун бажаричlого,
Батила чамго сон магlарулазул,
Кlвараб кумек гьабе гьанжеги дуца,
Церехун рахъине нахъа течlего.

 

Дуде ахlи банин гlайиб гьабуге,
Гlолеб гьечlин къуват чи цlцlикlкlаниги.
Чу кьоле жакъаги дуца нижее,
Дур бажариялде божилъи бугин.

 

Вахъа Хlажимурад хlалай жакъаги,
Хlаладаса анин дур магlарулал.
Хlежалъул ракьалда кьижарав Имам,
Кьалде ахlиларин дуцаго тlубай.