ХИРИЯЙ ГЬУДУЛ.

 

Босе дир хирияй урхъараб салам,
Урхъи буссинегlан йихьичlей гьудул.
Кье дие ворчlами чlухlараб тlавус,
Чlалгlинегlан дуде валагьун чlезе

 

Дур гвангъараб гьумер гьуинаб балай,
Гьури бакъго хъвачlел хъахlал гlанаби.
Къачlан вугоан дун духъе вачlине,
Ричlизе батани дуца дий нуцlа.

 

Дуда бер чlванщинал чlухlулел мокъокъ,
Чlа цодагьалъ лъалхъе дида йихьизе.
Дир соролел лугбаз бицина дуда,
Духъ ккараб рокьуца кьолел гlазабал.

 

Гlузро чорхолъ гьечlеб чинаридул кьветl,
Чигойищ дур гьечlев дихъе витlизе?
Ищанниги гьабе дунго вачlина,
Чlухlичlого дуца къабул гьавуни.